Almatyda jylý qubyry jaryldy
ALMATY. QazAqparat – Almatyda jylý qubyry jarylyp, kólik, kafe jáne baǵdarshamdy zaqymdady, dep habarlaıdy QazAqparat tilshisi.
Jarylǵan qubyrdyń vıdeosy áleýmettik jelilerde tarap jatyr. Onda búlingen kólikter men kafeni kórýge bolady.
«Almaty jylý jelileri» JShS habarlaýynsha, tótenshe jaǵdaı Almaty qalasynyń Bostandyq aýdanynda tańǵy 05:00-de Gagarın men Hodjanov kósheleriniń qıylysynda bolǵan.
«Jylý júıelerin gıdravlıkalyq synaý kezinde dıametri 800 ml jylý qubyry jaryldy. Bul –1985 jyly salynǵan eski qubyr. 35 jyldan astam ýaqyt jumys istedi. Paıdalaný merzimi ótip ketti. Mundaı qubyrlar 25 jyl qyzmet etýge arnalǵan. Jaraqat alǵandar joq. Alaıda, Avtoturaqta turǵan bes kólik pen baǵdarsham zaqymdandy», – dedi Almaty qalalyq turǵyn úı kommýnaldyq sharýashylyq kásipornynyń ókili ıAn Gırın.
Onyń aıtýynsha, kólik ıelerine «Almaty jylý jelileri» mekemesi zańǵa sáıkes ótemaqy tóleıdi.
«Kólik ıeleri «Almaty jylý jelileri» mekemesimen baılanysýy kerek. Eger kólikterge keltirlgen zııan anyqtalsa, onda barlyq adamdarǵa ótemaqy tólenedi. Keltirilgen zııannyń mólsherin komıssııa sheshedi. Qazir saraptama júrgizilýde», - dedi ıAn Grın.
