Almatyda jylý baǵasy qymbattaýy múmkin

ALMATY. QazAqparat - Almatyda 2022 jyldan bastap jylý tarıfi kóterilýi múmkin. Bul týraly qoǵamdyq tyńdaý barysynda belgili boldy, dep habarlaıdy QazAqparat tilshisi.

Qoǵamdyq tyńdaý barysynda «Almaty jylý jelileri» JShS kommertsııalyq dırektory Elmıra Baıchıgasova tabıǵı monopolııalardy retteý komıtetiniń departamentine jylý energııasyn óndirýshi kásiporyndardan tutynýshylarǵa berý tarıfin ózgertý máselesin qaraý týraly ótinish bergenderin aıtty.

Ótinish berýge 2017 jyldan bastap engizilgen tarıftik lımıtter merziminiń bitýi sebep bolyp otyr. Taǵy biri, óndirýshilerden satyp alynatyn jylý tarıfiniń kóterilýine sáıkes «Normatıvtik tehnıkalyq joǵaltýlar» baby boıynsha shyǵyndardyń ósýi sep boldy

«Ótinim naqty shyǵyndar boıynsha berildi. Salyqtar, kólik shyǵyndary, jalaqy, saqtandyrý, memlekettik qyzmetter, eńbekti qorǵaý, issapar shyǵyndary, baılanys qyzmetteri, keńes berý jáne aýdıt qyzmetteri boıynsha», - dedi kompanııa ókili. Sonymen qatar, ol QR Ulttyq ekonomıka mınıstrligi Tabıǵı monopolııalardy retteý komıteti sheshim qabyldaǵanǵa deıin jylý tarıfy kóterilmeıtinin atap ótti. Sheshim shyǵarýshy komıtettiń qorytyndysy 30 kúntizbelik kúnnen keıin belgili bolady.