Almatyda jylqysyn avtobýspen tasymaldaǵan er adamǵa aıyppul salyndy

ALMATY. QazAqparat - Almatyda qoǵamdyq kólik ishinde jylqysyn tasymaldaǵan janýar ıesine aıyppul salyndy, dep habarlaıdy QazAqparat tilshisi.Buǵan deıin avtobýs ishinde tasymaldanyp bara jatqan jylqynyń vıdeosy áleýmettik jelide taraǵan bolatyn.

Polıtsııanyń málimetinshe, bul derek áleýmettik jelilerge júrgizilgen monıtorıng nátıjesinde belgili boldy.
«Jedel-izdestirý is-sharalary barysynda bizdiń bólimsheniń tabıǵatty qorǵaý polıtsııasy bólimi №12 avtobýspen jylqysyn tasymaldap kele jatqan J. esimdi azamatty anyqtady. Ol óz qateligin birden moıyndady. Jylqy ıesi QR ÁQbK-niń 407-2 baby 1-bóliginiń 5-tarmaǵy (Qazaqstan Respýblıkasynyń asyl tuqymdy mal sharýashylyǵy týraly zańnamasyn buzý) boıynsha ákimshilik jaýapkershilikke tartylady. Osy rette onymen aldaǵy ýaqytta mundaı zań buzýshylyqtarǵa jol bermeý maqsatynda quqyqtyq túsindirý jumystary júrgizildi, – dedi Medeý aýdandyq Polıtsııa basqarmasynyń bastyǵy Dáýren Ótebaev.