Almatyda jyldyń úzdik ánderi shyrqaldy
ALMATY. Jeltoqsannyń 20-sy. QazAqparat /Erlik Erjanuly/ - Keshe Almatydaǵy Respýblıka saraıynda "Jyldyń úzdik ánderi" dep atalatyn kontsert ótti,
dep habarlaıdy QazAqparat.
"Jańa joba Qazaqstan shoý bıznesiniń damýyna óz úlesimizdi qosý maqsatynda uıymdastyryldy. Onda ánshilerdiń bir jyldyń ishinde atqarǵan eńbegin baǵalaý kózdeldi. Úzdikter radıolardaǵy mýzykalyq redaktsııa qyzmetkerlerimen aqyldasa otyryp irikteldi. Sodan keıin ǵana oryndaýshylarǵa habarlasyp atalmysh jobaǵa qatysýǵa ótinish bildirdik", deıdi "Elaman" prodıýserlik ortalyǵynyń dırektory Aıtmuqan Sqaqov.
Bul joly Roza Rymbaeva - "Qazaqstan", Maqpal Júnisova - "Máńgilik saǵynysh", Tamara Asar - "Árıdaı", Beıbit Qorǵan - "Tyńdashy janym", Qydyráli men Qaraqat - "Rızamyn saǵan", Ulytaý toby - "Jumyr qylysh", Kaspıı toby - "Lılı", Muzart toby "Kúzgi baq" degen ánderin oryndady. Aıtmuqan Sqaqovtyń aıtýynsha, buǵan deıin olar naýryzdyń 25-i kúni "Naýryznama" dep atalatyn jobany júzege asyrǵan.
