Almatyda jyldyń úzdik ánderi shyrqalady
ALMATY. Jeltoqsannyń 26-sy. QazAqparat /Erlik Erjanuly/ - Almatyda jeltoqsannyń 26-sy kúni Respýblıka saraıynda «Jyl áni -2009» án keshi ótedi,
dep habarlaıdy QazAqparat.
«Bıyl tuńǵysh ret ótkeli otyrǵan bul sharaǵa Mádenıet jáne aqparat mınıstrliginiń Mádenıet komıteti qoldaý kórsetip otyr. Oǵan Maqpal Júnisova, Qydyráli men Qaraqat, Gaýhar Qaspaqova, Gaýhar Álimbekova, Ramazan Stamǵazıev sııaqty 32 óner sheberi qatysady. Jyldyń úzdik ánderin oryndaýshylarǵa Mádenıet jáne aqparat mınıstrligi tarapynan alǵys hat berilip, syı-sııapat jasalyp, arnaıy jasalǵan statýetka beriletin bolady», deıdi bul kontsertti uıymdastyryp otyrǵan «Juldyzdar otbasy» jýrnalynyń bas redaktory Jarylqap Qalybaı. Aldaǵy ýaqytta bul joba dástúrli túrde jyl saıyn ótkiziletin shara bolmaq. Maqsat - otandyq óner sheberlerin yntalandyrý. Sondaı-aq jyldyń úzdik ánderdiń oryndaýshylaryn bir jerge jınap tyńdarmanǵa ásem áýen men juldyzdy kesh syılaý.
