Almatyda jyldamdyqty asyrǵan «BMW» avtokóligi 3 júrginshini qaǵyp ketti
ALMATY. QazAqparat - Almatyda joǵary jyldamdyqpen júıtkigen «BMW» markaly avtokólik 3 jaıaý júrginshini qaǵyp ketti.
Jol oqıǵasy Á.Jangeldın kóshesinde bolǵan. Oqıǵaǵa kýá bolǵandardyń aıtýynsha, «Daewoo Matiz» kóliginiń júrgizýshisi ońtústikke bet alyp kele jatyp solǵa burylýǵa qamdanǵan.
Sol kezde artynda kele jatqan «BMW» ony ozbaq bolyp, qarama-qarsy baǵytqa shyǵyp ketedi.
Joǵary jyldamdyqta júıtkip kele jatqan nemis mashınasy «Daewoo» kóligin soǵa sala, jaıaý júrginshi jolynan ótip bara jatqan 3 adamdy qaǵyp ketedi.
Eki adam sol jerde til tartpaı ketti. Úshinshi adam aýyr jaraqatpen aýrýhanaǵa jetkizildi.
Sol qarqynmen júıtkigen «BMW» turaqtaǵy «Volkswagen-di» soǵady da, ol óz kezeginde «Toyota Prado-ny» soǵyp toqtaǵan.
«BMW» men «Daewoo Matiz» júrgizýshileri túrli deńgeıde dene jaraqatyn aldy.
Oqıǵa ornynda quqyq qorǵaýshylar jumys jasap jatyr
