Almatyda jyl sońyna deıin úsh mektep paıdalanýǵa beriledi

ALMATY. QazAqparat - Megapolıs ákimi Baqytjan Saǵyntaev qaladaǵy mektep tapshylyǵyn azaıtý máselesi qalaı sheshlip jatqanyn aıtty, dep habarlaıdy QazAqparat tilshisi.

Almaty ákimi óziniń Instagram-daǵy paraqshasynda mektep qurylysyna erekshe kóńil bólinetinin, sebebi balalar sany jyl saıyn artyp kele jatqanyn jazdy.

«Qalada mektep qurylysy qarqyn aldy. Alataý, Naýryzbaı men Túrksib aýdandarynda 12 600 oryndy 8 memlekettik mekteptyń qurylysy júrip jatyr. Sonyń ishinde úsh mektep jyl sońynda ashylady», - dep jazdy Baqytjan Saǵyntaev.

Syıymdylyǵy 8 myńnan asatyn jumys istep turǵan mektepke japsarlaı salynyp jatqan 17 korpýstyń úsheýi oqý jylynyń basynda ashyldy. Jýyrda taǵy 6 ǵımarat paıdalanýǵa beriledi. Qalǵan 8-i bıyl qarasha aıynyń sońyna deıin aıaótalady.

Jańa mektepterdiń qurylysyna jeke ınvestorlar da belsendilik tanytyp jatyr. Jańa oqý jylynda qalada 11 mektep ashyldy. Taǵy birqatar joba júzege asyrylady.

«Nátıjesinde 36 bilim berý nysanynyń ashylýy mekteptegi oryn tapshylyǵyn 23,3 myńnan astam oqýshyǵa azaıtpaq. Memleket basshysynyń tapsyrmasyna sáıkes jumys jalǵasyn taýyp, mektep qurylysy jedeldetilmek», - dep atap ótti Almaty ákimi Baqytjan Saǵyntaev.

Buryn habarlanǵandaı, jańa oqý jylynda qaladaǵy 287 mektep 300 myńǵa jýyq oqýshyǵa esigin ashty.