Almatyda jyl sońyna deıin qoǵamdyq kólikter jańartylady
ALMATY. QazAqparat - Almatylyq «AlmatyElektroTrans» JShS jyl sońyna deıin 100-den astam avtobýs alady, dep habarlaıdy QazAqparat tilshisi.
«Biz qoǵamdyq kólikterdi jańartyp jatyrmyz. Jyl sońyna deıin 8-10 kún qaldy, osy ýaqyt ishinde bizde 266 jańa avtobýs bolady, onyń 206-sy — 12 metr, 60-y — 18 metr. Biz «AstanaMotors» kompanııasymen birge 200 Zhong Tong markaly jáne 60 Golden Dragon markaly avtobýsty satyp aldyq. Alǵashqy avanstyq tólemdi kompanııanyń qarajaty esebinen tóledik, qalǵanyn «QDB-Lızıng» boıynsha nesıege alamyz. Bul 60 avtobýs, 30 avtobýs parkte tur, biz jyl sońyna deıin taǵy 30-yn tirkeýden ótemiz», - dedi «AlmatyElektroTrans» JShS bas dırektory Ǵanı Tájıev.
Sonymen qatar, ol 18 metrlik avtobýstardyń bir bóligi №38 marshrýt boıynsha júretinin atap ótti. Sonymen birge, búgingi kúni qalaǵa 12 metrlik 129 avtobýs jetkizildi, jyl sońyna deıin taǵy 77 avtobýs keledi.
«Biz qoǵamdyq kólikterdi jańartýdy osy jyly aıaqtaımyz. Jalpy, bul bizdiń jumysymyzdyń oń nátıjıesi», - dedi ol.
