Almatyda jyl sońyna deıin 900 myń adamǵa vaktsına salynady
ALMATY. QazAqparat - Almatyda jyl sońyna deıin 900 myń adamǵa vaktsına egiledi. Bul týraly onlaın brıfıng barysynda qalalyq qoǵamdyq densaýlyq saqtaý basqarmasynyń ókili, telemedıtsına ortalyǵynyń basshysy Laýra Myrzaǵalı málim etti, dep habarlaıdy QazAqparat tilshisi.
«Sáýir aıynyń besi kúni biz vaktsınanyń 14 900 dozasyn alamyz. Qalǵan dozalar bir aı ishinde jetkizilýi kerek. Jalpy, buǵan barlyq medıtsınalyq uıymdar daıyn. Sonymen qatar, ákimniń tapsyrmasy boıynsha jáne mınıstr A. Tsoıdyń saparynan keıin qalada 250-ge deıin vaktsınatsııa pýnkti daıyndalýda. Jyl sońyna deıin 900 myń adamǵa deıin vaktsına egý josparda», - dedi ol.
Eske salaıyq, Baqytjan Saǵyntaev Almatyda vaktsınaǵa kvota ulǵaıtylatynyn aıtqan bolatyn.
