Almatyda jyl sońyna deıin 2,6 mln sharshy metr turǵyn úı paıdalanýǵa beriledi

ALMATY. QazAqparat – Megapolıste jyl sońyna deıin 2,6 mıllıon sharshy metr turǵyn úı paıdalanýǵa beriledi. Bul týraly qala ákiminiń orynbasary Muhıt Ázirbaev Almaty qalasynyń qoǵamdyq keńes otyrysynda málim etti, dep habarlaıdy QazAqparat tilshisi.

Onyń aıtýynsha, jyl sońyna deıin 2,6 mln sharshy metrden astam turǵyn úı paıdalanýǵa beriledi. Onyń ishinde «Nurly jer» memlekettik baǵdarlamasy aıasynda 248 myńnan astam qoljetimdi turǵyn úı bar ekenin atap ótti.

Memlekettik baǵdarlama boıynsha turǵyn úıler qalanyń jańa, damyǵan aýdandarynda salynyp jatyr. Onda qala turǵyndarynyń jaıly turýy úshin qajetti jaǵdaılar jasalady, eń aldymen: mektepter, balabaqshalar, barlyq jerde irgeles aýmaq abattandyrylady, sondaı-aq medıtsınalyq uıymdar salynady.

«Almaty qalasy jaıly qalalyq orta basqarmasyna 60 áleýmettik nysan kiredi, onyń ishinde 38 nysan bıyl, 22 nysan kelesi jyly aıaqtalady. Jańa Almaty keshendi jospar aıasynda Tomırıs, Saıaly, Qalqaman-2, Darhan, Mádenıet, Qaırat, Nurkent shaǵyn aýdandarynda 12 600 oryndyq 8 mektep salynyp jatyr, onyń ishindegi 3 mektep bir jyldyń ishinde paıdalanýǵa beriledi» – dedi Muhıt Ázirbaev.