Almatyda jyl sońyna deıin 10 balabaqsha salynady - Ahmetjan Esimov
MATY. 11 tamyz. QazAqparat /Erlik Erjanuly/ - "Balapan" baǵdarlamasy boıynsha bıyl Almatyda jyl sońyna deıin jańadan 10 balabaqsha salynady.
Ony qala ákimi Ahmetjan Esimov búgin "Kókjıek" yqshamaýdanynda 3 jasqa deıingi balalardy tárbıeleıtin 120 oryndyq №171 balabaqshanyń ashylý rásiminde aıtty.
A.Smaǵululynyń aıtýynsha, onda oqý-tárbıe úderisi memlekettik tilde júrgiziletin bolady. Bul "Balapan" baǵdarlamasy boıynsha ashylyp otyr. "2008 jyly shaharda birde-bir jeke balabaqsha ashylmaǵan edi. Sońǵy 3 jylda 3 myń oryndyq 57 jeke balabaqsha ashyldy. Sondaı-aq qazirgi tańda jalǵa berilgen 6 balabaqsha qaıtaryldy. Bul úrdis aldaǵy ýaqytta odan ári jalǵaspaq", - deıdi Ahmetjan Esimov. Jalpy qalada 1989 jyldan keıin 20 jyl boıy birde-bir bala baqsha salynbaǵan edi. Odan keıin alǵash ret 2009 jyly jańadan 2050 oryndyq 10 balabaqsha salyndy. Onyń altaýy - memlekettik. Byltyr 3 memlekettik mekeme qataryna taǵy 3 balabaqsha qosylǵan edi. Bıylǵy jartyjyldyqta olardyń sany taǵy bireýge ulǵaıdy. Jyl sońyna deıin ol 10-ǵa deıin jetpek. A.Smaǵululynyń sózine qaraǵanda, sońǵy 3 jylda jańadan ashylǵan jáne keri qaıtarylǵan balabaqshalar esebinen ondaǵy oryn 5 474-ke ulǵaıdy. Jyl sońyna deıin ol 2 410 orynǵa ulǵaıyp, 7884-ke deıin jetpek. Qazirgi tańda qaladaǵy 211 mektepke deıingi mekemede 40 230 bala tárbıelenýde. 2008 mektepke deıingi balabaqshalarda 24 484 oryn jetispeıtin. Bıyl 1 tamyzda ol 15 500-ge deıin azaıdy. 2012 jyldyń 1 qańtarynda bul san 13090 orynǵa deıin kemimek.
