Almatyda jyl saıynǵy «Nursultan-2010» alpınıadasy bastaldy
nbsp;ALMATY. Shildeniń 4-i. QazAqparat /Elena Ilınskaıa/ - Almatyda Kishi Almaty ózeni shatqalynda jyl saıynǵy «Nursultan-2010» alpınıadasy aýqymynda búgin «Shymbulaq» taý shańǵysy bazasy» (2200 m) - Talǵar asýy (3200 m) - Bogdanovıch muzdyǵy (3500 m) - Komsomol asýy (4050 m) jolbaǵytymen júgirý bastaldy. Máre - Nursultan shyńy (4200 m).
Aktsııaǵa barlyq tilek bildirýshiler - salaýatty ómir saltyn ustanatyn 2 myńǵa jýyq áýesqoılar qatysady. Sportshylar úshin erekshe baǵdarlama kózdelgen. Olar Ońtústik betkeıden shyńǵa, sondaı-aq onyń quzar basyna júgirip shyǵýlary tıis.
Shara Qazaqstanda sporttyq alpınızmdi damytý jáne azamattardy sporttyń osy túrine tartý maqsatyn kózdeıdi.
Bul shara elorda kúnine arnalyp otyr. Azııa oıyndary-2011 Almaty dırektsııasynyń dırktory Sultanmahmut Shoqpytovtyń aıtýynsha, alpınıada sondaı-aq Azıada-2011 oıyndaryna arnalǵan.
Nursultan shyńy Іle Alataýynyń Tuıyqsý aýdanynda ornalasqan. Osynaý kórikti shyń QR Tuńǵysh Prezıdenti Nursultan Nazarbaevtyń qurmetine atalǵan.
Uıymdastyrýshylar - Almaty ákimdigi, QR Ulttyq Olımpıada Komıteti, Azııa oıyndary 2011 Almaty dırektsııasy, qalalyq týrızm, deneshynyqtyrý jáne sport basqarmasy, QR TJM, Almaty qutqarý qyzmeti.
