Almatyda jyl saıynǵy IV-shi «X-MOVIE» ekstremaldy áýesqoı vıdeo festıvali ótedi
ALMATY. Qarashanyń 3-i. QazAqparat /Názıra Eleýhan/ - Almatyda qarasha aıynyń 5-i kúni, salaýatty ómir saltyn nasıhattaý men ekstremaldy sport túrin nasıhattaýǵa arnalǵan, jyl saıynǵy IV-shi «X-MOVIE» ekstremaldy áýesqoı vıdeo festıvali ótedi,
dep habarlaıdy QazAqparat.
Uıymdastyrýshylardyń aıtýynsha, «X-movie» Halyqaralyq kınofestıval bolyp sanalady. Sondyqtan da, bul sharaǵa barlyq elden, álemniń barlyq tilinde jasaǵan jumystar qabyldanady. Barlyq fılmder sýbtıtrdi qosý arqyly, óz tilinde kórsetiletin bolady.
Festıvaldiń negizgi maqsaty - jas rejısserler men operatorlardy, sportshylar men avtorlardy qoldaý, tájirıbe men aqparat almasý, jastar arasynda salaýatty ómir saltyn nasıhattaý bolyp tabylady.
