Almatyda jyl saıyn «Oren-air» formatynda 100-ge jýyq iri mádenı shara ótedi
ALMATY. QazAqparat - Almaty qalalyq mádenıet basqarmasynyń bastyǵy Ǵanı Maılybaev mádenı ınfraqurylymdy jaqsartý jónindegi mindetter qalaı júzege asyrylyp jatqany týraly aıtty, dep habarlaıdy QazAqparat tilshisi.
Onlaın brıfıng barysynda spıker Memleket basshysy mádenıet salasynyń aldyna aýqymdy mindetter qoıǵanyn, ásirese onyń talantty ókilderin, eldiń damýyndaǵy zııaly qaýymnyń róline erekshe mán bergenin atap ótti.
«Alǵa qoıylǵan mindetti sheshý úshin biz kelesi bastamalardy júzege asyrýdamyz. Birinshiden – qalanyń mádenı obektilerin barsha turǵyndar men halyq úshin barynsha qoljetimdi etý. Ekinshiden – dástúrli halyq mádenıetin qoldaý. Úshinshiden – mádenı ónimderdi álemdik naryqqa shyǵarý», - deıdi Ǵanı Maılybaev.
Sonymen qatar, ol Memleket basshysynyń Joldaýynyń keıbir tustaryna toqtaldy.
«Keler jyldan bastap mádenıet qyzmetkerleriniń jalaqysy kóteriledi. Bul atalǵan sala qyzmetkerlerin qýantty. Sondaı-aq áleýmettik jeńildikter beriletin boldy. Almaty qalasy ıÝNESKO-nyń kreatıvti qalalar jelisine múshe bolýynyń arqasynda «Mýzyka» shyǵarmashylyq baǵyty boıynsha búkil álemge tanymal. Jyl saıyn qalada «oren-air» formatynda 100-ge jýyq iri mádenı-buqaralyq is-shara ótkiziledi. Tipti pandemııalyq rejımde bul sala damýyn jalǵastyrýda»,- deıdi basqarma basshysy.
Aıta keteıik, Almatyda 160 mádenı nysan men uıym bar.
