Almatyda jyl saıyn keminde 35 iri buqaralyq is-shara ótetin bolady - Erbolat Dosaev
ALMATY. QazAqparat - Almatyda 2030 jylǵa deıin keminde 16 dene shynyqtyrý-saýyqtyrý kesheni salynady. Bul týraly qala ákimi Erbolat Dosaev málimdedi, dep habarlaıdy QazAqparat tilshisi.
Almaty ákiminiń aıtýynsha, qaladaǵy ortalyq stadıonǵa halyqaralyq standarttarǵa sáıkes jańǵyrtý jumystary júrgizilip, jańa jeńil atletıka maneji irge qalaıdy.
«Jyl saıyn kóptegen qalalyq sporttyq is-sharalarmen qatar, halyqaralyq deńgeıde keminde 35 iri buqaralyq is-shara ótkizetin bolamyz. Bul almatylyqtardyń dene shynyqtyrý jáne sportpen qamtylýyn 2025 jylǵa qaraı 40%, 2030 jylǵa qaraı 50%-ǵa deıin ulǵaıtýǵa múmkindik beredi», - dedi Erbolat Dosaev.
Ol sondaı-aq Almatyda strıt-sportty damytý (júgirý joldary men sporttyq alańdar) qolǵa alynatynyn jáne resmı derek boıynsha, búginde almatylyqtardyń tek úshten biri ǵana únemi dene shynyqtyrý jáne sportpen aınalysatynyn atap ótti.
