Almatyda jyl saıyn aýdany 1 mln. sharshy metrden asatyn turǵyn úı berilýde
«Sońǵy 3 jylda jyl saıyn jalpy aýdany 1 mln sharshy metrden asatyn turǵyn úı paıdalanýǵa berilýde. Aıtalyq, 2014 jyly jalpy aýdany 1330 myń sharshy metr turǵyn úı paıdalanýǵa berildi. Jyl saıyn úı berý 7-8 paıyzǵa artyp keledi. 2015 jyly ekonomıkalyq múmkindikterimizdi eskere otyryp, jalpy aýdany 1100 myń sharshy metr bolatyn baspanany halyqqa berýdi josparlap otyrmyz», - dedi Ǵabıt Sadyrbaev.
Mamandardyń aıtýynsha, jalpy 2020 jylǵa deıin Almatyda 7200 otbasy jańa úıge kóshirilip, 25 myń jańa páter paıdalanýǵa beriledi.
Qala halqyn baspanamen qamtý 6 baǵdarlama boıynsha júzege asýda. Eń aldymen kezekte turǵandar qamtylady. Sosyn «Turǵyn úı qurylys jınaq banki» jelisimen, QIK boıynsha, «Eski úı», «Jumyspen qamtý-2020» baǵdarlamasy boıynsha, «Samuryq-Qazyna jyljymaıtyn múlik qory» AQ baǵdarlamasy boıynsha beriledi.
Ǵabıt Sadyrbaev Almatyda salynatyn baspananyń 8-12 paıyzy jańa páterge kóshirý, 10 paıyzy - joǵaryda keltirilgen baǵdarlamalar boıynsha, 80 paıyzy kommýnaldyq baspana retinde satylatyndyǵyn atap ótti.
«Qalanyń ekonomıkalyq múmkindigi aıasynda jumys jasaıtyn bolamyz. Respýblıkalyq bıýdjetten qandaı soma alatyndyǵymyz belgisiz. Qazir QR Investıtsııalar jáne damý mınıstrligimen qoıan-qoltyq jumys jasap jatyrmyz», - dedi Ǵ.Sadyrbaev.
