Almatyda jyl saıyn 700-ge jýyq áıel sút bezi qaterli isigine shaldyǵady

ALMATY. QazAqparat – «Dúnıejúzilik sút bezi obyryna qarsy kúres» kúni aıasynda Almaty onkologııa ortalyǵynda ár senbi saıyn ashyq esik kúni ótip jatyr. Bul týraly Almaty qalasynyń qoǵamdyq densaýlyq saqtaý basqarmasynyń baspasóz qyzmeti málim etti, dep habarlaıdy QazAqparat tilshisi.

Onkologııalyq ortalyqtyń klınıka-dıagnostıka bólimshesiniń meńgerýshisi Naıla Aqjolovanyń aıtýynsha, álemde sút bezi qaterli isigi - áıelder arasynda keń taraǵan onkologııalyq aýrýlardyń biri sanalady.

Kúızelis, durys tamaqtanbaý, jaman ádetter, tuqym qýalaıtyn beıimdilik qaterli isik qaýpin arttyrady.

Dáriger sút bezi qaterli isiginiń taralýyn áıelderdiń ómir salty ózgerýimen, atap aıtqanda, bala týýdyń sıreýi jáne bala emizýshi analardyń azaıýymen baılanystyrady.

«Qaterli isik aýrýynyń damý qaýpin ekologııa, gormonaldy faktorlar, stress, ıondaýshy sáýlelený, zııandy tamaqtaný, alkogol tutyný sııaqty faktorlar arttyrady», – deıdi dáriger.

Almaty onkologııa ortalyǵynyń málimeti boıynsha jyl saıyn qalada sút bezi qaterli isigimen 700-ge jýyq áıel aýyrady.

ıAǵnı, qalada kún saıyn eki áıel osy patologııamen aýyrady. Osyǵan baılanysty qaterli isikti erte anyqtaý úshin tómendegi jaǵdaılardy eskergen jón:

- sút bezine turaqty túrde tekserilý;

- jyl saıyn emhanada mammologqa qaralý;

- 40-70 jas aralyǵyndaǵy áıelderge 2 jylda bir ret mammografııadan ótý.

«Qaterli isik dıagnozyn erte anyqtaý arqyly aýrýdy tolyq emdeýge bolady. Ýaqytyly bastalǵan emdeý – sulýlyǵyńyzdy, densaýlyǵyńyzdy ǵana emes, ómirińizdi de saqtaýdyń kepili»,- dep málim etti onkologııalyq ortalyqta.