Almatyda «Jyl oıatý» rásimi ótedi
ALMATY. 22 naýryz. QazAqparat - Naýryz meıramyn almatylyq jastar búgin «Jyl oıatý» rásimimen bastaıdy.
Teatrlandyrylǵan qoıylym kóktem kórinisin beıneleıdi. Bul Jer-ana qysqy uıqysynan oıanyp, kún sáýlesi qatqan tońdy jibiter, jyly jaqtan oralǵan qustardyń qıqý salǵan úni men bulaqtardyń syldyry seziler kezeń. Ol odan keıin qazaq aýylynyń Naýryz meıramyn toılaý daıyndyǵyna ulaspaq. Ony Almaty qalasy ákimdiginiń qoldaýymen Jastar saıasatyn damytý memlekettik qory uıymdastyryp otyr. Olar keshki 19.00 men 21:00 aralyǵynda ótetin «Jastar meıramy» dısko-kontsertin ótkizbek. Bul sharanyń kórigin qyzdyrýǵa - Aısa, Indıra Rasylhan, Oleg Nıkıtın jáne «Asý», «Asyl», Evrazııa», «JADO», «Vi Alem Group» toptary men ózge de ónerpazdar qatyspaq.
