Almatyda jyl basynan beri jol qozǵalysy erejesin buzǵan 4 319 júrginshi ákimshilik jaýapqa tartyldy

Bul týraly búgin Almaty qalalyq ІІD baspasóz qyzmetinen habarlady.

Almaty qalasynyń jol-patrýldik polıtsııasy ótken táýliktiń ishinde jol qozǵalysy erejesin buzǵany úshin 21 adamǵa qatysty ákimshilik is qozǵady.

«Jaıaý júrginshiler jol qozǵalysy erejesin muqııat saqtaýlary tıis. Ókinishke qaraı, joldy kez kelgen jerinen qıyp ótý barysynda abaısyzda kólik dońǵalaǵynyń astyna túsip jatady. Sondyqtan, jaıaý júrginshiler arasynda jol qozǵalysy erejesin buzý faktilerin anyqtaý maqsatynda aldyn alý sharalaryn turaqty túrde júrgizip turamyz. Bul sharalar jol qozǵalysyna qatysýshylardyń jaýapkershiligin arttyrýǵa septigin tıgizeri anyq. Bul baǵyttaǵy jumystar «Qaýipsiz jol» jáne «Jaıaý júrginshi» jedel- aldyn alý sharalary barysynda da júzege asyrylady», - dedi Almaty qalalyq ІІD Jergilikti polıtsııa qyzmetiniń bastyǵy, polıtsııa podpolkovnıgi Jasulan Baıkenov.

Іshki ister departamentinde sonymen qatar, júrgizýshilerge úlken jaýapkershilik júkteletindigi atap ótildi. Olar jol qıylystary men jaıaý júrginshiler ótkelinen ótý erejelerin jıi buzady.

Jyl basynan beri Almatyda 354 avtokólik júrgizýshisi jol qıylystary men jaıaý júrginshiler ótkelinde ereje boıynsha júrginshilerge basymdyq bermegenderi úshin ákimshilik jaýapqa tartyldy.