Almatyda jyl basynan beri moped mingenderge qatysty 199 jol apaty boldy
ALMATY. QazAqparat – Almaty qalalyq polıtsııa departamenti bıyl jáne ótken jyly moped mingenderge qatysty jol apaty týraly statıstıkany jarııa etti, dep habarlaıdy QazAqparat tilshisi.
Vedomstvonyń málimetinshe, Almatyda bıyl jyl basynan beri moped mingenderge baılanysty 199 jol apaty bolyp, saldarynan 198 adam zardap shegip, bir adam qaza tapty. Al ótken jyly Almatyda osyndaı 778 jol apaty bolyp, 836 adam zardap shegip, 7 adam qaıtys bolǵan.
Jergilikti polıtsııa qyzmeti basqarmasynyń bastyǵy Erjan Uzabaevtyń málimetinshe, qazirgi tańda Іshki ister mınıstrliginde mopedterdi memlekettik tirkeýge jatatyn kólik túrleriniń tizbesine qosý týraly zańnamaǵa ózgertýler engizý máselesi qarastyrylyp jatyr.
«Kóliktiń bul túriniń suranysy qol jetimdilikpen, qala ishinde qozǵalýǵa jeńildigimen, sondaı-aq tirkeý, oqý jáne júrgizýshi kýáligin alý qajettiliginiń bolmaýymen baılanysty. Moped aıtarlyqtaı joǵary jyldamdyq – saǵatyna 80 shaqyrymǵa deıin júredi. Sondyqtan Іshki ister mınıstrligi deńgeıinde qozǵaltqyshynyń kólemi 50 tekshe santımetrden joǵary mopedterdi memlekettik tirkeýge jatatyn kólik túrleriniń tizbesine qosý týraly zańnamaǵa ózgertýler engizý máselesi qarastyrylyp jatyr. Jas shekteýlerin belgileıtin zańnamalyq normalardyń bolmaýyna baılanysty kóliktiń bul túrin eresektermen qatar balalar da paıdalanady. Kóbinese bul kólik túrleriniń qozǵalysy jaıaý júrginshilerge arnalǵan trotýarlar men joldarda bolady», – dedi Erjan Uzabaev.
Ol sondaı-aq kýrerlik kompanııalardyń ókilderin ózderiniń kýrerleri jasaıtyn jol erejelerin buzý derekterin anyqtaý úshin jergilikti is-sharaǵa qosylýǵa usynys jasalǵanyn málimdedi.
«Qazir pılottyq joba aıasynda árbir kýrerlik kompanııaǵa nómir berýdi, ony kýrerdiń málimetteri men júrý sharttary týraly aqparatpen birge jumys berýshiniń derekter bazasynda tirkeý úshin biryńǵaı aqparattyq qordy biriktirýdi usynyp otyrmyz. ıAǵnı, «Sergek» aqparattyq júıesinde mobıldi kólik júrgizýshileri jibergen buzýshylyqtardy tirkeýdiń jańa tehnıkalyq múmkindigi bar. Sonymen qatar, jetkizý qyzmetiniń ókilderi tártip buzýshylardy anyqtap, olardy baqylaý úshin ár qyzmetkerge nómir berip, ony jaryqpen shaǵylysatyn elementpen birge konteınerlerge qoıýlary qajet», – dedi spıker.
