Almatyda jyl basynan beri memleketaralyq izdeýde júrgen 170 qylmysker ustaldy
ALMATY. 13 maýsym. QazAqparat - Almatyda izdeýde júrgen Ózbekstan, Qyrǵyzstan, Grýzııa, Reseı, Italııa jáne Chehııa azamattary qolǵa tústi.
Qalalyq ishki departametiniń Qylmystyq polıtsııa basqarmasynyń málimetine qaraǵanda, jyl basynan beri olar memleketaralyq izdeýde júrgen 170 qylmyskerdi quryqtaǵan. Onyń 113-i - Qazaqstannyń, 55-ine - TMD elderi, al ekeýi Italııa men Chehııanyń quqyq qorǵaýshylary izdeý jarııalaǵan azamattar.
«Ustalǵandardyń bireýi Qyrǵyzstanda adam óltirse, ekeýi Grýzııa men Reseıde adam óltirýge áreket jasaǵandar. Taǵy 2 reseılik men 1 ózbekstandyq óz opponentterine qasaqana aýyr dene jaraqatyn salǵan. Taǵy bir ózbekstandyq qaraqshylyq jasap, al ıtalıandyq men chehııalyq azamat óz elinde aýyr qylmys jasap qashyp júrgen», - deıdi Qylmystyq polıtsııa basqarmasy bastyǵynyń orynbasary Erǵalı Shákenov. Onyń aıtýynsha, sońǵy kúnderi ǵana ustalǵan 31 jasar Ózbekstan azamaty Reseıdiń Vladımır oblysynda tonaýshylyq jasaǵan. Ol adam tonaǵan soń óz eline oralýdan qorqyp, Qazaqstanda boı tasalamaq bolǵan kórinedi. Endi Mısk konventsııasy boıynsha, ol Reseı zańyna sáıkes jazalaný úshin kórshi elge jiberiletin bolady.
