Almatyda jyl basynan beri kóppáterli 44 úı paıdalanýǵa berildi
ALMATY. QazAqparat- Jaıly qalalyq orta basqarmasynyń basshysy Sapar Nurashev Óńirlik kommýnıkatsııalar qyzmetiniń baspasóz máslıhaty kezinde Almatyda jańa turǵyn úılerdiń qurylys qarqyny týraly aıtty, dep habarlaıdy QazAqparat tilshisi.
Onyń sózine qaraǵanda, «Nurly jer» baǵdarlamasynyń arqasynda bıyl qaladaǵy júzdegen otbasy ózderiniń baspanalaryn alatyn bolady. Oǵan 40 mlrd teńge bólindi.
Jalpy, qoljetimdi turǵyn úılerdiń aýqymdy qurylysy jalǵasyp jatyr. Memlekettik baǵdarlama aıasynda Almaty qalasynda bıyl jalpy aýdany 248,5 myń sharshy metr bolatyn nemese 3 937 páterli qoljetimdi turǵyn úıdi paıdalanýǵa berý jospary bekitildi. Onyń ishinde 1 889 páter turǵyn úı satyp alý quqyǵynsyz jalǵa beriledi jáne 2 048 páter bank salymshylary men jergilikti atqarýshy organdardyń kezeginde turǵandar úshin nesıelik turǵyn úıge arnalǵan.
«Birinshi jartyjyldyqta Almatyda Naýryzbaı aýdanynyń «Alma Sıtı-5» turǵyn úı kesheninde 38 úıdiń qurylysy aıaqtaldy. Bul Alataý aýdanynyń «Mádenıet» shaǵyn aýdanyndaǵy 1 110 páter nemese 239,29 myń sharshy metr jáne tórt úı, bul 144 páter nemese 12,66 myń sharshy metr», – dedi Sapar Nurashev.
Birinshi jartyjyldyqtyń qorytyndysy boıynsha megapolıste 1254 páterli nemese 82,37 myń sharshy metr 44 úı paıdalanýǵa berildi.
Sonymen qatar, Túrksib aýdanynda ótken jyldyń sońynda «Jas qanat-2» shaǵynaýdanyn damytý bastaldy, egjeı-tegjeıli josparlaý jobasy toǵyz qabatty 41 úıdiń qurylysyn qarastyrady, onyń ishinde 35 úıde qurylys jumystary bastaldy. Munda 1 500 balaǵa arnalǵan mektep salynady. Qalǵan alty úıge konkýrs jarııalandy. Olardyń qurylysy bıyl bastalyp, 2022 jyly aıaqtalady.
Jaıly qalalyq orta basqarmasynyń basshysy turǵyn úı keshenderi qurylysynyń aıaqtalýy birqatar memlekettik baǵdarlamalar aıasynda qalalyqtardy turǵyn úımen qamtamasyz etetinin aıtty. 1 254 páterdiń barlyǵy nesıelik baspana retinde beriledi.
« Turǵyn úı salýmen qatar bilim berý men densaýlyq saqtaýdyń áleýmettik nysandaryn keshendi damytý júrýde. Qurylysty júrgizýshiler ózderiniń menshik ýchaskelerinde mektepter, balabaqshalar men medıtsınalyq mekemeler salýdy da qarastyrǵan. Keıinnen bul nysandar qalanyń kommýnaldyq menshigine ótedi, tıisti mehanızm ázirlenýde», – deıdi spıker.
Basqarma basshysy Naýryzbaı aýdanynyń «Taýsamaly» jáne «Aqjar» shaǵyn aýdandarynda árqaısysy 120 oryndy eki balabaqsha salynǵanyn atap ótti.
