Almatyda jyl basynan beri keýde qýysy organdaryna 260 operatsııa jasaldy

ALMATY. QazAqparat- Óńirlik kommýnıkatsııalar qyzmeti brıfınginde №1 qalalyq klınıkalyq aýrýhananyń keýde bóliminiń hırýrgııasy ortalyǵynyń meńgerýshisi Nurlan Jarylqapov kókirek qýysy deformatsııasy qalaı emdeletini týraly aıtty, dep habarlaıdy QazAqparat tilshisi.

Spıkerdiń sózinshe, ár naýqasqa jeke em taǵaıyndalady. Konservatıvti nemese hırýrgııalyq aralasý ár patsıenttiń jaǵdaıyna baılanysty júzege asyrylady.

«Bizdiń klınıkada keýde qýysy organdarynyń ártúrli aýrýlaryna jáne moıyn, ókpe, keńirdek, kókirek, óńeshtiń tarylýy, qalqansha beziniń qaterli isiginde, keýde qabyrǵasynyń isigine, keńirdek-óńesh jarasyna, sút beziniń qatersiz isigi, qalqansha beziniń jáne aıyr bez aýrýlaryna operatsııa kóptegen túrleri jasalady», - deıdi Nurlan Jarylqapov.

Sonymen qatar, ol jyl basynan beri hırýrgııa ortalyǵynda keýde organdaryna 260 operatsııa jasalǵanyn jetkizdi.

«Keýde qýysynyń deformatsııasy adamdardyń 2 %-de kezdesedi. Súıek jáne shemirshek tinderindegi ózgerister keýde qýysynyń tirek fýnktsııasyn da, qozǵalǵyshtyǵynyń qajetti mólsherin de tómendetedi. Bul patologııada tynys alýǵa baılanysty problemalar jıi týyndaıdy, qatty deformatsııa kezinde júrek yǵysýy ári onyń jumysy buzylýy múmkin. Sondaı-aq, aýyr jaǵdaıdaǵy keýde deformatsııasy omyrtqa ózeginiń qısaıýyna ákeledi. Deformatsııanyń bul túri tek estetıkalyq jaǵynan ǵana emes, sonymen qatar medıtsınalyq kórsetkishter boıynsha da túzetilýi kerek»,- dep atap ótti ol.

Dárigerdiń aıtýynsha, keýde qýysynyń deformatsııalaný sebebi týa bitken, sonymen birge, júre paıda bolýy múmkin. Klınıkalyq tájirıbede keýde qýysynyń kóbinese shuńǵyma tárizdi deformatsııasy jáne shoqy tárizdi deformatsııa túrleri kezdesedi.

«Keýde qýysynyń shuńǵyma tárizdi deformatsııasy eń kóp taralǵan jáne ol 400 jańa týǵan náresteniń ishinde bireýinde kezdesedi. Shoqy tárizdi keýde deformatsııasy deformatsııanyń ekinshi jıi kezdesetin túri, ol shuńǵyma tárizdi túrine qaraǵanda 5 ese az kezdesedi. Shoqy tárizdi keýde deformatsııasy kezinde keýde qýysynyń aldyńǵy-artqy ólshemi ulǵaıady jáne ár túrli deńgeıge jáne pozıtsııaǵa ıe bolýy múmkin jota túrinde qalyptasady, sonymen qatar keýde qýysynyń búıirlik ólshemi tarylady», - dedi Nurlan Jarylqapov.

Sondaı-aq, ol 18 jasqa deıingi balalar memleket esebinen saqtandyrylǵan jáne tegin medıtsınalyq kómek ala alatynyn eske saldy.