Almatyda jyl basynan beri qansha sábı dúnıege keldi
Almaty qalalyq ádilet departamenti basshysynyń orynbasary Záýresh Sathojınanyń aıtýynsha, 2022 jyly megapolıste bir jyl burynǵy kórsetkishpen salystyrǵanda 4877 sábı artyq dúnıege keldi.
«Bıyl ótken jylmen salystyrǵanda týý týraly tirkeý aıtarlyqtaı ósti. Jyl basynan beri Almatyda 48 200 bala dúnıege kelse, byltyr týǵan sábıler sany - 43 323», - dedi Óńirlik kommýnıkatsııalar qyzmetinde ótken brıfıngte Záýresh Sathojına.
Túrksib aýdany ákimi apparatynyń azamattyq hal aktilerin tirkeý bóliminiń basshysy Janna Dıýsembaeva jańa týǵan náresteler arasynda erekshe esimder kezdesetiniń atap ótti.
«Óte erekshe esimderdiń biri - Vırsavııa. Bul salada qyzmet etip jatqanyma 30 jyl boldy. Osy ýaqyt ishinde mundaı esimdi alǵash ret kezdestirdim. Maǵan qyzyq boldy, sondyqtan atalǵan esim týraly aqparatty ǵalamtordan izdedim. Ol patshaıymnyń aty bolyp shyqty. Sol otbasynda ekinshi balanyń esimin Vılavı qoıdy. Bul da patsha degendi bildiredi eken. Qazir ıslamda tirkelgen esimder de kóbeıip keledi. Bul da trendterdiń biri. Kóp otbasy balalarynyń atyn Adam dep qoıa bastady», - deıdi ol.
