Almatyda jyl basynan beri esirtki qylmysyna qatysty 900-ge jýyq adam tirkeýge alyndy
ALMATY. Qazannyń 29-y. QazAqparat / Ádilet Musahaev / - Almatyda jyl basynan beri esirtkimen baılanysty 900-ge jýyq adam tirkeýge alyndy. Barlyǵy 140 kılá esirtki tárkilengen.
Onyń 10 kılási geroın bolsa, 98 kılási marıhýana jáne 22 kılási - gashısh, dep habarlaıdy QazAqparat ІІB baspasóz qyzmetine silteme jasap.
Qazirgi tańda qoǵamǵa qater tóndirip turǵan máselelerdiń biri esirtki jáne esirtki saýdasy bolyp otyr. Osy máselege baılanysty elimizde «Qazaqstan Respýblıkasynyń 2006-2014 jyldarǵa arnalǵan esirtki jáne esirtki saýdasymen kúres strategııasy» qabyldanǵan bolatyn.
«Esirtkimen kúres jumysy jaıynda basa aıta ketetin jaıt, Tájikstannan tasymaldanatyn halyqaralyq esirtki arnasynyń joıylýy. Muny óziniń úıinde jasyryn esirtki qoımasy bar jáne geroındy satý arnasyn jolǵa qoıǵan Almaty qalasy Medeý aýdanynyń turǵyny uıymdastyrǵan. Tárkilengen esirtki untaǵynyń jalpy salmaǵy bir kelini quraǵan. Qazirgi ýaqytta ol azamatqa qatysty tergeý jumystary júrgizilýde. Jýyqta qylmystyq is sotqa tapsyrylatyn bolady», deıdi ІІB esirti saýdasymen kúres basqarmasy basshysynyń orynbasary Ermurat Іzgitıev.
Osy kúnderi qala boıynsha esirtki qylmysyn jáne esirtki saýdasyn aýyzdyqtaýǵa, sondaı-aq qylmystyq toptardy joıýǵa arnalǵan shapshań-aldyn alý sharasynyń 4-shi kezeńi ótip jatyr. Apta ishinde 15 esirtki qylmysy áshkerlenip, eki esirtki arnasy jáne 2 kıládan astam esirtki tárkilengen.
