Almatyda jyl basynan beri ekologııalyq normalar 6 myń ret buzylǵan
ALMATY. QazAqparat - Almatyda jyl basynan beri 6 myń ret ekologııalyq normalardyń buzylǵandyǵy anyqtaldy. Bul týraly búgin Almaty qalalyq ІІD baspasóz qyzmeti habarlady.
Jergilikti polıtsııa qyzmetiniń dereginshe, Almatyda jyl basynan beri sanıtarlyq jáne ekologııalyq normalardy saqtaýǵa qatysty 5 myń 964 ákimshilik quqyqbuzýshylyq áreket tirkelgen.
«Qalany abattandyrý erejesin buzǵany úshin - 3 747 adam, ruqsat etilmegen jerde saýda jasaǵany úshin - 901, janýarlardy kútý erejesin buzǵany úshin - 252, jasyl jelekti kútý jáne qorǵaý erejesin buzǵany úshin - 1 064, aǵashtar men tal-shilikterdi zańsyz keskeni úshin - 2 jáne paıdalanýǵa tyıym salynǵan, quryp ketýdiń aldynda turǵan ósimdikter nemese janýarlarǵa qatysty zańsyz áreketteri úshin 2 adam ákimshilik jaýapkershilikke tartyldy.
Tabıǵatty qorǵaý polıtsııasy bólimsheleri barlyǵy 20,4 mıllıon teńge aıyppul saldy. Ázirge, bul somanyń 70 paıyzy, ıaǵnı 14,3 mıllıon teńge memleket paıdasyna óndirip alyndy», - dedi Almaty qalalyq ІІD Jergilikti polıtsııa qyzmetiniń bastyǵy, polıtsııa podpolkovnıgi Jasulan Baıkenov.
Osyǵan baılanysty Almaty polıtsııasy qala turǵyndary men qonaqtaryn tabıǵatty aıalaı bilýge jáne oǵan qatysty zańnamalardy saqtaı bilýge shaqyrady.
