Almatyda jyl basynan beri ekologııa salasy boıynsha 46 zańbuzýshylyq anyqtaldy
ALMATY. QazAqparat - Almaty qalasy boıynsha Ekologııa departamenti basshysynyń orynbasary Danııar Álimseıitov qalanyń ekologııalyq qaýipsizdigin qamtamasyz etý maqsatynda qabyldanyp jatqan sharalar týraly aıtty, dep habarlaıdy QazAqparat tilshisi.
«Almaty qalasy boıynsha Ekologııa departamenti jeke jáne zańdy tulǵalardyń atmosferalyq aýany, sý men topyraqty qorǵaý bóliginde QR ekologııalyq zańnamasyn saqtaý, sondaı-aq óndiris jáne tutyný qaldyqtaryn esepke alý, kádege jaratý jáne zalalsyzdandyrý normalary men qaǵıdalaryn saqtaý jónindegi qyzmetine memlekettik ekologııalyq baqylaýdy jáne qadaǵalaýdy júzege asyrady»,– dedi ol.
Danııar Álimseıitovtyń aıtýynsha, Almaty qalasy boıynsha ekologııa departamenti 2020 jyldyń basynan beri 35 tekserý júrgizdi, onyń ishinde 5 profılaktıkalyq, 14 jospardan tys jáne basqa da nysandar boıynsha - 16.
«Inspektsııalyq qyzmet barysynda ekologııa salasy boıynsha 46 zańbuzýshylyq anyqtaldy. Ákimshilik quqyq buzýshylyq týraly 13 hattama toltyrylyp, 3 mln teńgeden astam somaǵa 11 aıyppul óndirildi», - dedi Danııar Álimseıitov.
Sonymen qatar, ol Memlekettik ekologııalyq saraptama qorytyndysynyń jáne qorshaǵan ortaǵa emıssııaǵa ruqsattyń joqtyǵy úshin belgilengen tártippen Almaty qalasynyń mamandandyrylǵan aýdanaralyq ekonomıkalyq sotyna sýbektileriniń qyzmetin toqtata turý úshin 16 talap aryz joldanǵanyn atap ótti. Onyń ishinde 7 ótinish qanaǵattandyryldy, qalǵan 9 ótinish qaralýda.
Jyl basynan beri 819 synama alynyp, qorshaǵan ortanyń 930 komponentine taldaý jasaldy.
