Almatyda jyl basynan beri eki adam V gepatıtin juqtyrǵan
Dárigerdiń aıtýynsha qalada jiti S vırýsty gepatıtiniń (JSVG) jaǵdaıy tirkelgen joq.
«Sozylmaly V jáne S vırýstyq gepatıttermen (SVVG jáne SSVG) syrqattanýshylyq kórsetkishi 100 myń turǵynǵa shaqqanda – 2,56. Bul ótken jyldyń osy kezeńimen salystyrǵanda 2,49 ese joǵary. 14 jasqa deıingi balalardyń úles salmaǵy – 1,75% qurady. Sozylmaly vırýstyq gepatıtterdiń qurylymynda SVVG - 45,6% jáne SSVG – 54,4% qurady», - dedi Ásel Qalyqova.
V jáne S gepatıtteri – álemdegi eń kóp taralǵan ınfektsııa túrine jatady. Olar baýyrdyń sozylmaly qabynýyn damytyp, tsırrozǵa jáne baýyr isigine alyp kelýi múmkin.
«Infektsııa kózi – jedel jáne sozylmaly gepatıttiń barlyq túrimen aýyratyn naýqastar, sondaı-aq vırýstyń tasymaldaýshylary. Gepatıt vırýstary kóbinese aǵzaǵa gematogendik jolmen (qan arqyly), sondaı-aq jynystyq, perınataldyq, ıaǵnı, anadan balaǵa jatyrda nemese týylǵan kezde jáne turmystyq-baılanys joldarymen (tyǵyz turmystyq qarym – qatynas jaǵdaıynda) enedi. V gepatıt vırýsy ártúrli fızıkalyq jáne hımııalyq faktorlarǵa tózimdi, syrtqy ortada bir aptaǵa jýyq ýaqyt saqtalýy múmkin, mysaly, keptirilgen jáne baıqalmaıtyn qan daqtary, ustarada, shprıtste jáne ınektsııalyq ınelerde jáne t.b», - dedi dáriger.
V gepatıtinen qorǵanýdyń jalǵyz joly – vaktsınatsııa.
«Qazaqstannyń egý kúntizbesine sáıkes VVG – ke qarsy vaktsınatsııa perzenthanada nársetege ómiriniń alǵashqy 12 saǵatynda, 2 aı jáne 4 aı jasynda júrgiziledi. Sondaı-aq, táýekel tobyndaǵy adamdar, onyń ishinde jynystyq jáne turmystyq berilý joldarynyń profılaktıkasy úshin VVG-pen aýyratyn naýqaspen baılanysta bolǵan adamdar, medıtsınalyq JOO-da oqıtyn stýdentter, medıtsına qyzmetkerleri, qannyń, onyń komponentteri men preparattarynyń retsıpıentteri, AITV-ınfektsııasyn juqtyrǵan alǵash ret anyqtalǵan adamdar, gemodıalız jáne tinder men múshelerdi transplantatsııalaýǵa jatatyn tulǵalar, onkogematologııalyq jáne ımmýnosýpressıvti preparattardy qabyldaıtyn naýqastar VVG-ne qarsy vaktsınatsııaǵa jatady. Búgingi kúni S gepatıtine qarsy vaktsına joq», - dedi spıker.
Spıker V jáne S vırýstyq gepatıtterin juqtyrý qaýpin tómendetý maqsatynda tómendegi erejelerdi saqtaýǵa shaqyrdy:
- VVG-ke qarsy vaktsınatsııany ýaqtyly alý;
- Juqtyrǵan adamnyń qanymen baılanysta bolýy múmkin basqa adamdardyń jeke gıgıenalyq zattaryn paıdalanbaý – ustara, tis şetkalary, tyrnaq qaıshylary, qandaǵy qant ólshegish sııaqty nemese tipti syrǵalar;
- Sulýlyq salondaryna barǵan kezde qulaqty tesý, pırsıng, ınemen shanshý, tatýırovka jasaý úshin bir rettik ıneler qoldanylatynyna kóz jetkizý, sonymen qatar manıkıýr, pedıkıýr, sulýlyq salondaryndaǵy kez-kelgen protsedýralar tek sterıldi jabdyqpen jasalýy kerek;
- Inektsııalyq esirtki zattaryn qoldanbaý;
- Beı-bereketsiz jynystyq qatynastan aýlaq bolý, jalǵyz saý jynystyq seriktestiń bolýy nemese qorǵalǵan jynystyq qatynas;
- Hıdjama jáne t.b. dástúrli emdeý ádisterinen aýlaq bolý;
- Kez kelgen kesilgen jerdi nemese ashyq jaraqatty jabý.
«Eger vırýsty juqtyrýyńyz múmkin jaǵdaı bolsa, erterek medıtsınalyq uıymǵa habarlasyńyz, onda siz vırýstyq gepatıt markerlerine test tapsyra alasyz. Esińizde bolsyn, erte anyqtaý jáne emdeý – kesh bolǵannan áldeqaıda jaqsy», - dedi qalalyq sanıtarııalyq-epıdemıologııalyq baqylaý departamenti basshysynyń orynbasary Ásel Qalyqova.