Almatyda jyl basynan beri 73 adam jol apatynan qaza tapqan
ALMATY. QazAqparat – 2022 jyldyń basynan beri megapolıste jol apatynan 2 977 adam zardap shegip, 73 turǵyn qaza tapty, dep habarlaıdy QazAqparat tilshisi.
«Osy jyldyń 9 aıynda Almatyda 2 620 jol-kólik oqıǵasy tirkelip, onyń saldarynan 2 977 adam zardap shekti, taǵy 73 adam qaza tapty. Jyl basynan beri barlyǵy 952 622 jol qozǵalysy erejesin buzý deregi anyqtaldy», – dedi Almaty qalalyq PD Jergilikti polıtsııa qyzmeti basqarmasynyń bastyǵy Erjan Uzabaev.
Sonymen qatar, ol jyl basynan beri 1 560 júrgizýshi mas kúıinde kólik quralyn basqarǵany úshin ustalǵanyn atap ótti.
«Sot sheshimimen 2 352 adam kólik quralyn basqarý quqyǵynan aıyryldy. 1 476 kólik júrgizýshisi ákimshilik qamaýǵa alyndy»,- dedi polıtsııa ókili.
