Almatyda jyl basynan beri 56 adamdy kólik qaǵyp, mert qylǵan
Qalalyq ІІD baspasóz qyzmetiniń málimetine súıensek, jyl basynan beri 1 myń 440 jaıaý júrginshini qaǵý oqıǵasy tirkelgen. Onyń 57-si qaza bolsa, 1460-i jaraqat aldy.
Quqyq qorǵaýshylar jol apatyna kóbinese jaıaý júrginshiler sebepker bolatynyn aıtady.
«Qala joldaryndaǵy ahýaldy jaıaý júrginshilerdiń tártipsizdigi de jıi ýshyqtyrady. Osy máseleni eskere otyryp qalada «Jaıaý júrginshi» sharasy ótip jatyr. Eki kún ishinde ǵana 368 adamǵa aıyppul salynyp, QR ÁqbK 615 baby boıynsha 12242 adam ákimshilik jaýapkershilikke tartyldy», - dedi qalalyq ІІD ákimshilik polıtsııa basqarmasynyń basshysy Jandos Muratalıev.
Polıtsııa jol qozǵalysy qarqyndy qıylystarda tekserý-baqylaý sharalaryn kúsheıtpek.
QR zańnamasy boıynsha tyıym salynǵan jerlerden ótken adamdarǵa eń az degende 2 AEK kóleminde aıyppul salynady.
