Almatyda jyl basynan beri 150-ge jýyq órt tirkelgen
Onyń aıtýynsha, 2021 jyldyń 2 aıynda Almatyda 147 órt tirkelgen.
«Almaty qalasynyń aýmaǵynda 147 órt tirkeldi, 14 adam órtten zardap shekti, 5 adam qutqaryldy, 200 mln teńgeden astam somanyń múligi saqtaldy. Órtten kóz jumý deregi tirkelgen joq. 96 órt jeke turǵyn úıde bolǵan, bul jalpy órttiń 65%-yn quraıdy. Órttiń shyǵýyna negizinen nemquraıly qaraý, abaısyzdyq, órtten saqtaý erejesin ustanbaý bolyp otyr»,-deıdi ol.
Jeke turǵyn úı sektoryndaǵy órttiń negizgi sebepteri:
- otty uqypsyz paıdalaný 21 jaǵdaı;
- peshterdi paıdalaný kezinde órt qaýipsizdigi erejelerin buzý – 29 jaǵdaı;
- elektr jabdyqtaryn montajdaý jáne paıdalaný erejelerin buzý 41 jaǵdaı;
- turmystyq elektr qurylǵylaryn paıdalaný kezinde ÓQE buzýshylyqtary 31 jaǵdaı;
- órteý 13 jaǵdaı;
- otpen jumys kezinde órt qaýipsizdigi erejelerin buzý 3 jaǵdaı, 2-ýi balalardyń tentektiginen jáne órttiń basqa sebepteri 9 jaǵdaı.
Tótenshe jaǵdaılar departamentiniń málimetinshe, órttiń 65% -y turǵyn úı qorynda bolatynqtan 2020 jyldyń tamyzynan bastap turǵyndarmen túsindirý jumystary qolǵa alyndy.
«Barlyǵy 145 471 jeke turǵyn úı esepke alyndy, onyń 1347-si qatty otyn jaǵady, olar 100% zertteldi, onyń ishinde 274 áleýmettik osal otbasynyń úıi qaıta tekserildi (ıaǵnı 2 ret), órttiń qaýipsizdik sharalary týraly 300 myńnan astam jadynama taratyldy»,-deıdi Samat Asaınov.
Sonymen qatar, ol ákimdiktiń qoldaýymen 1 254 jeke turǵyn úı kómirtegi totyǵy datchıkterimen jabdyqtalǵanyn atap ótti.
«Eger bizdiń azamattarymyz qaýipsizdik erejelerin saqtasa, onda órttiń zalalyn azaıtý, sondaı - aq adamdardyń qaza bolýy nólge deıin azaıady», - dep atap ótti Samat Asaıynov.