Almatyda jyl basynan beri 13 myń páter paıdalanýǵa berildi
ALMATY. QazAqparat – Almatyda «Shetsiz qala» tujyrymdamasynyń aıasynda megapolıstiń jańadan qosylǵan aýdandarynda áleýmettik nysandar men turǵyn úıler boı kóterip jatyr. Bul týraly onlaın brıfıng barysynda Almaty qalasy Qalalyq josparlaý jáne ýrbanıstıka basqarmasynyń basshysy Almashan Ahmedjanov aıtty, dep habarlaıdy QazAqparat tilshisi.
«Buǵan deıin Almaty ákimi Baqytjan Saǵyntaev atap ótkendeı, Memleket basshysynyń tapsyrmasyn oryndaý maqsatynda qalada turǵyn úı qurylysynyń qarqyny karantın men epıdemıologııalyq jaǵdaıǵa qaramastan, josparlanǵan deńgeıde qaldy. Sonymen qatar, olar ótken jylǵy kórsetkishterden asyp tústi», – dedi Almashan Ahmedjanov.
Basqarma derekterine sáıkes, 2020 jyly 2 396 myń sharshy metr turǵyn úıdi paıdalanýǵa berý josparlanǵan, onyń ishinde:
- kommertsııalyq qurylys - 1 591 myń sharshy metr nemese 17 420 páter;
- jeke turǵyn úıler - 510 myń sharshy metr nemese 2 062 úı;
- memlekettik bıýdjet qarajaty esebinen - 290 myń sharshy metr nemese 5 206 páter;
– jataqhanalar - 4,6 myń sharshy metr.
2020 jylǵy qańtar – qazan kezeńinde paıdalanýǵa bergen turǵyn úı sany 1 609 myń sharshy metrdi nemese 12 925 páterdi jáne 1 722 jeke turǵyn úıdi qurady. Memlekettik bıýdjet qarajaty esebinen – 8,6 myń sharshy metr nemese 120 páter (2019 jyldyń uqsas kezeńimen salystyrǵanda 103,6% - 1 552 myń m2).
2020 jyldyń sońyna deıin 785 myń sharshy metr nemese 8,5 myń sharshy metrden astam aýmaqty paıdalanýǵa berý josparlanýda, onyń ishinde:
- kommertsııalyq qurylys - 421 myń sharshy metr nemese 4 615 páter;
- jeke turǵyn úıler-83 myń sharshy metr nemese 332 úı;
- memlekettik bıýdjet qarajaty esebinen - 281 myń sharshy metr nemese 3 849 páter.
Sondaı-aq, aǵymdaǵy jyldyń sońyna deıin qosymsha 208,6 myń sharshy metr nemese 2 384 páter men 56 jeke turǵyn úıdi engizý josparlanǵan, onyń ishinde:
- kommertsııalyq qurylys (9 turǵyn úı kesheni ) – 194 myń sharshy metr nemese 2 384 páter;
- jeke turǵyn úıler-14 myń sharshy metr nemese 56 úı.
Jalpy alǵanda, jyl sońyna qaraı 2 604,9 myń sharshy metr turǵyn úı paıdalanýǵa beriledi.
