Almatyda júz otbasyna páter kiltteri tapsyryldy
ALMATY, 11 qyrkúıek. QazAqparat - Búgin, Qala kúnin merekeleý qarsańynda Almaty qalasynyń ákimi Ahmetjan Esimov júz otbasyna páter kiltterin tapsyrdy, dep habarlaıdy qala basshysynyń baspasóz qyzmetinen.
Ákim azamattardy turǵyn úımen qamtamasyz etý - memlekettik saıasat basymdyqtarynyń biri ekenin basa aıtty.
«Memleket basshysy Nursultan Nazarbaev qalamyzǵa asa zor kóńil bólip otyr. Sonyń arqasynda qalamyz serpindi damyp keledi, jańa turǵyn úı paıdalanýǵa engizilýde. Prezıdenttiń tapsyrmasymen Almatyda birqatar turǵyn úı baǵdarlamalary jumys isteıdi. Búgingi kúni biz páter kiltterin birinshi kezekte muqtaj adamdarǵa tapsyrýdamyz», - dedi Ahmetjan Esimov.
Páter kiltteri halyqtyń áleýmettik qorǵalmaǵan toptary ókilderine jáne áleýmettik sala qyzmetkerlerine tapsyryldy.
