Almatyda júıitkigen SsangYong jol jıegindegi kólikti tas-talqan etti
ALMATY. QazAqparat - Almatyda joǵary jyldamdyqpen júıitkigen SsangYong kóligi jol shetinde turǵan Mercedes-ti tas-talqan etti, dep habarlaıdy QazAqparat tilshisi.
Jol apaty Rysqulov dańǵylynyń boıynda boldy.
SsangYong júrgizýshisi shyǵysqa baǵyt alyp kele jatyp, jol shetinde kóliktiń turǵanyn baıqamaı qalǵan.
Onyń aıtýynsha, Mercedes ıesi jolǵa esh belgi qoımaǵan ári apattyq sıgnaldy qospaǵan. Sol sebepti krossover júrgizýshisi der kezinde kóligin buryp úlgermegen. Al Mercedes ıesi kóliginiń jolda kenetten óship qalǵanyn aıtýda. 
Jol apatynan Mercedes jolaýshysy zardap shekti. Jedel járdem túrli jaraqat alǵan adamdy aýrýhanaǵa alyp ketti.
