Almatyda júıitkigen «Mersedes» eki qyzdy qaǵyp óltirdi
ALMATY. QazAqparat - Almatyda júıtkigen «Mersedes» 19 jastaǵy qyzdardy qaǵyp óltirdi, dep habarlaıdy QazAqparat tilshisi.
Jol apaty keshe túnde bolǵan. Polıtsııa qaıǵyly oqıǵa týraly túsinik berdi.
«Qazir bul derek boıynsha QR QK-niń 345-baby 4-bóligimen sotqa deıingi tergeý amaldary bastaldy. «Mersedes» markaly kólikti tizgindegen júrgizýshi baǵdarshamnyń sary túsine úlgerip ótpek bolǵan. Sol sátte 2000 jyly týǵan eki qyz joldan ótip bara jatqan. Júrgizýshi tejegishti basyp úlgermegen. Ol qazir qamaýda. Tergeý amaldary jalǵasyp jatyr», - dedi Polıtsııa departamentiniń baspasóz qyzmetinen.
Aıta ketý kerek, keshe «Toyota Land Cruiser Prado» men «Lexus» soqtyǵysyp, eki adam mert bolǵan edi.
