Almatyda jýrnalısterge arnalǵan semınar-trenıng ótti
ALMATY. Qyrkúıektiń 24-i. QazAqparat /Erbol Turymbetov/ - Búgin Almatydaǵy ál-Farabı atyndaǵy Qazaq ulttyq ýnıversıtetinde BAQ-tyń áleýmettik jaýapkershiligi máselesi boıynsha jýrnalısterge arnalǵan semınar-trenıng bolyp ótti, dep habarlaıdy QazAqparat.
Semınardy «Parasatty eńbek etýshi áıelder» qoǵamdyq qory birlestigi, ál-Farabı atyndaǵy QazUÝ-dyń jýrnalıstıka fakýlteti ıÝNESKO kafedrasy birlese uıymdastyrdy. Oǵan jýrnalıster, qoǵamdyq birlestikter men úkimettik emes uıymdardyń jetekshileri qatysty.
Semınarda QR-daǵy azamattyq qoǵam qyzmetiniń BAQ-ta jarııalanýy sóz boldy. Sonymen qatar, qazaqstandyq jýrnalısterdiń ÚEU qyzmetin jarııalaýdaǵy áleýmettik jaýapkershiligi men azamattyq ustanymdary talqylandy.
«Qoǵamda qalyptasyp otyrǵan ár túrli áleýmettik, ekonomıkalyq jáne basqa da jaǵdaılar árdaıym jýrnalıster nazarynda. Sondyqtan, qoǵamdyq máselelerdi jarııalaýda jýrnalısterdiń orny erekshe. Bizdiń búgingi basqosýymyzda atalǵan jaıttarǵa baılanysty stýdent jastar men jas jýrnalısterge úlken sabaq bolady degen oıdamyn», deıdi «Merzimdi baspasóz jáne ınternet-jýrnalıstıka» kafedrasynyń meńgerýshisi Sharvan Nurǵojına.
Jıyn sońynda talqylaýlar qorytyndysy boıynsha ádistemelik usynystar daıarlandy.
