Almatyda jýrnalısterge arnalǵan medıtsınalyq kýrs aıaqtaldy

ALMATY. QazAqparat-Almatyda jýrnalısterge arnalǵan bir aptalyq medıtsınalyq kýrs aıaqtaldy, dep habarlaıdy QazAqparat tilshisi.

Igi bastama Aqparat jáne qoǵamdyq damý mınıstrligi men Sanjar Asfendııarov atyndaǵy Qazaq ulttyq medıtsına ýnıversıteti arasyndaǵy kelisim negizinde uıymdastyryldy.

Buqaralyq aqparat quraldarynyń ókilderi, medıtsına jáne densaýlyq saqtaý salalasynyń etıkalyq aspektilerin zerttedi.

Semınar barysynda adamnyń reprodýktıvti densaýlyǵy, transplantologııa, dárigerlerdiń qateligi, durys tamaqtaný, koronavırýs pandemııasy, vırýsologııa jáne epıdemıologııa salasy boıynsha ózekti taqyryptar kóterildi.

Jalpy, semınarǵa 50-den astam jýrnalıst qatysty.

Olardyń qatarynda «Egemen Qazaqstan»,«Kazahstanskaıa pravda» gazetteri men «QazAqparat» halyqaralyq aqparat agenttiginiń de tilshileri bar.

Dáriske qatysqan jýrnalısterge arnaıy sertıfıkat tabystalady.