Almatyda jýrnalısterge arnalǵan IV-shi Medııalyq sheberlik ótip jatyr
ALMATY. Tamyzdyń 24-i. QazAqparat /Názıra Eleýhan/ - Almatyda Germanııanyń Qazaqstandaǵy Jyly aıasynda Qazaqstan Gete ınstıtýty jáne «Jalpy nemis gazeti» IV-shi Medııalyq sheberlik ótkizip jatyr,
dep habarlaıdy QazAqparat.
Sharaǵa 10-nan asa jas tilshiler men Ortalyq Azııa elderinen kelgen nemis tilin oqýshylar qatysýda. Olar onlaın-jýrnalıstıka men fotojýrnalıstıkanyń qyry-syryn úırenýde. Dáristi Berlın Akademııasynyń jańa tolqyny Matıs Vınkler men erkin foto sýretshi Ines Tomsen júrgizýde. Germanııa elinen arnaıy kelgen qatysýshy qonaqtar Qazaqstannyń, atap aıtqanda Almatynyń jáne Ortalyq Azııanyń ómirimen tanysýǵa múmkindik alady deıdi uıymdastyrýshylar.
Ortalyqazııalyq eki tilshi men bir nemis jýrnalısinen quralǵan top beriletin tapsyrma boıynsha aqparat jınap, maqala jazatyn bolady. Odan keıin ol ǵalamtordaǵy arnaıy betke ilinedi. Uıymdastyrýshylar mundaı tapsyrmanyń jemisti tájirıbe almasýǵa kómektesetinine senimdi jáne bolashaqta birlese jumys isteý nemis jáne ortalyqazııalyq jýrnalıstıka arasyndaǵy júıeniń qurylýyna yqpal etedi deıdi.
Sheberlik dárister tamyzdyń 27-ne deıin ótedi.
