Almatyda jýrnalısterga arnalǵan «ZachOt» baıqaýy jalǵasýda
ALMATY. 22 jeltoqsan. QazAqparat /Názıra Eleýhan/- Almatyda jýrnalıster men BAQ redaktsııalaryna arnalǵan Qazaqstandaǵy bilim jaıyndaǵy taqyrypta eń úzdik jazylǵan materıaldarǵa baıqaý áli de júrip jatyr.
Bul shara Halyqaralyq Bıznes akademııasy men Qazaqstandyq baspasóz klýbynyń bastamasymen ótýde.
Ótinishter aqpan aıyna deıin qabyldanady. «Baıqaýdyń maqsaty - qoǵam nazaryn Qazaqstandaǵy bilim salasyna baılanysty máselelerge aýdartý, sonymen qatar elimizde jáne shetelde sapaly bilim alý múmkindikterimen aqparattandyrý»,- deıdi uıymdastyrýshylar.
Bıylǵy jylǵy baıqaýdyń qorytyndysy boıynsha ádilqazylar alqasy elimizdegi bilim máselesi jaıynda erekshe jazyp, taratqan 11- BAQ-ty jáne 11 avtordy tańdap alady. Jalpy baıqaýda 22 atalym bekitilgen. Jeńimpazdardyń barlyǵy baǵaly syılyqtarmen marapattalatyn bolady.
Marapattaý rásimi 2011 jyldyń 15 aqpan kúni Almatydaǵy Qazaqstan baspasóz klýbynda ótedi.
