Almatyda «Jýrnalıster saıabaǵy» jyl sońyna deıin qaıta salynady
ALMATY. QazAqparat - Almaty ákimi Erbolat Dosaev Medeý aýdanynyń turǵyndarymen kezdesý kezinde aýdan aýmaǵynda qandaı saıabaqtardyń qaıta salynatynyn málim etti, dep habarlaıdy QazAqparat tilshisi.
Almaty ákimi Erbolat Dosaev QR Memlekettik mýzeıiniń janyndaǵy saıabaqty qaıta salý jumystary jazdyń sońyna deıin aıaqtaý josparlanǵanyn, shilde aıynda «Samal-1» shaǵyn aýdanyndaǵy «Jýrnalıster» saıabaǵyn qaıta salý jumystary bastalyp, jyl sońyna deıin aıaqtalatynyn, sondaı-aq turǵyndardyń ótinishimen qyrkúıek aıyna deıin «Alataý» shaǵynaýdanyndaǵy Ibragımov kóshesinde saıabaq salynatynyn aıtty.
«Aýdannyń qoǵamdyq keńistigin damytý aıasynda Terrenkýrdaǵy sý aıdynynyń joǵarǵy bóligi memleket menshigine qaıtaryldy. Qazir ony qaıta qurý boıynsha jobalaý-smetalyq qujattama ázirlenýde. Sondaı – aq, osy jyldyń sońyna deıin Terrenkýrǵa aǵymdaǵy jóndeý jumystary júrgiziledi», - dedi Erbolat Dosaev.