Almatyda jýrnalıster alleıasy paıda boldy
Jarokov pen Gagarın kósheleriniń arasynda ornalasqan saıabaqtyq a shylý saltanatyna 11 BAQ ókili, onyń ishinde «QazAqparat» HAA tilshileri de qatysty. Jýrnalıster 175 úıeńki aǵashyn otyrǵyzdy.
Іs-shara karantınniń barlyq talaptary saqtala otyryp, qalalyq Jasyl ekonomıka basqarmasynyń uıymdastyrýymen ótti.
«Qazir - aǵash otyrǵyzý maýsymy. Bıyl bir maýsymda 250 myń aǵash otyrǵyzamyz. Bul sońǵy 20 jyldaǵy rekordtyq kórsetkish. Byltyr jáne aldyńǵy jyldary bir maýsymda eń kóp degende 40 myń aǵash otyrǵyzǵan edik», - dedi basqarma basshysy Natalıa Levınskaıa.
Onyń aıtýynsha, kóshet egý bir bólek, ony kútip baptaý – ózinshe bólek másele.
«Biz tek otyrǵyzyp qana qoımaı, ony kútip baptaýǵa kóship jatyrmyz. Buryn aǵash otyrǵyzylsa, ol týraly umytylyp ketetin. Eń birinshi jyl – jaýapty kezeń. Sebebi, dál sol kezde ósimdik jaqsy kútimdi talap etedi. Aǵash ta adam balasy sııaqty, otyrǵyzǵan soń ony únemi baptap otyrý kerek», - dedi basqarma basshysy.
Mamandardyń aıtýynsha, taldardy birinshi aptada 2 ret, al sáýirden qarashaǵa deıin 72 ret sýǵarý kerek.
«Búgin úıeńki otyrǵyzdyq. Bul aǵash baıaý ósedi. Tamyry tereń boılamaıdy. Aǵash otyrǵyzylatyn kezde birneshe faktor eskeriledi. Máselen, ınjenerlik jeliler, sý, elektr jelileri, telefon jelilerin eskerý kerek. Biz qalany osyǵan baılanysty birneshe aımaqqa bóldik. Ár aımaqqa tán aǵashtary bar. Búgingi alleıada dendrologtardyń pikirin eskere otyryp úıeńki tańdaldy», - dedi basqarma basshysy.
