Almatyda jýrnalıster alleıasy ashyldy
ALMATY. QazAqparat - Almatydaǵy «Atakent» saıabaǵynda jýrnalıster alma aǵashtaryn otyrǵyzdy. Qala ortalyǵyndaǵy bul jerge kún saıyn 10 myńǵa jýyq turǵyn kelip, demalady, dep habarlaıdy Habar24kz.
Olardyń árqaısysyna bir aǵashtan keledi. Alaıda qarqyndy ósip kele jatqan megapolıs úshin kók jelektiń kóp bolǵany jaqsy. Jergilikti «Dostar klýbynyń» belsendileri qatysýshylarǵa tal egýge qajetti quraldar taratyp, aǵashtyń tólqujatyn tapsyrdy. Ár aǵashqa ony otyrǵyzǵan jýrnalıstiń aty-jóni jazylǵan taqtaısha bekitildi. Jýrnalıster alleıasyna búgin jalpy sany 70 aǵash egildi.
«Nege jýrnalısterdi tańdadyq? Sebebi Almatyda
jýrnalıster alleıasy joq. Bul aýmaqta jeke kúzet jumys isteıdi. Sondyqtan
aǵashtar úshin alańdaýdyń qajeti joq. Sýarýdy qazirgi sánge saı uıymdastyrýdy jón
kórdik. «Óz aǵashyńdy sýar» degen uranmen ár jýrnalıstke, telearnaǵa áleýmettik
jeli arqyly estafeta joldaımyz» ,-deıdi qoǵamdyq birlestik prezıdenti
Baýyrjan Baıakeshov.
