Almatyda júrip kele jatqan kóliktiń dóńgelegi julynyp ketti
ALMATY. QazAqparat - Almatyda júrip kele jatqan kóliktiń dóńgelegi julynyp ketti, dep habarlaıdy QazAqparat tilshisi oqıǵa ornynan.
Jol apaty Raıymbek dańǵylynda Áýezov kóshesine jete bergende shyǵys baǵytta bolǵan.
Jolda kele jatqan Toıota kóliginiń dóńgelegindegi bólshegi kenetten bosap ketken. Sonyń saldarynan kólik joldyń sol jaǵyna shyǵyp ketip, qorshaýǵa baryp soǵylǵan.
Sol mezette dóńgelek temir qorshaýǵa qystyrylyp qalyp qoıǵan. Al kóliktiń ózi ınertsııamen birneshe metr uzap baryp toqtaǵan. Kólikte sol mezette úshin adam bolǵan.
Jol apatynan júrgizýshi boıjetken japa shekken. Alaıda, ol aýrýhanaǵa jatýdan bas tartty. Al eki er adamǵa eshteńe bolǵan joq.
