Almatyda júrip bara jatqan avtobýstyń artqy dóńgelegi ushyp ketti

Oqys oqıǵa búgin tústen keıin Tóle bı men Muqanov kóshesiniń qıylysynda bolǵan. Onyń vıdeosy men sýretteri áleýmettik jelide tarady. https://www.facebook.com/lovelymox

Facebook qoldanýshynyń aıtýynsha, oqys oqıǵaǵa Tóle bı kóshesindegi joldyń tegis emestigi sebep bolǵan. Buǵan deıin de almatylyqtar osy magıstralda júrgizilip jatqan sheksiz jóndeý jumystaryna birneshe ret shaǵymdanǵan.

Qalalyq mobıldilik basqarmasynyń málimetinshe, avtobýs júrgizýshisi aınadan túsip qalǵan dóńgelegin kórip, der kezinde áreket etken.

«Júrgizýshi avtobýsty ýaqytynda toqtatyp úlgergen. Qazirgi ýaqytta keleńsizdikter túzetildi, avtobýs parkine oralady. Jolaýshylardyń eshqaısysy zardap shekken joq. Avtopark qyzmettik tergeý júrgizýde, oqıǵanyń sebebi anyqtalady»,- dep habarlady basqarmadan.

Aıta keteıik, Tóle bı kóshesinde ınjenerlik jelilerdi qalpyna keltirý jumystary júrgizilip jatyr.