Almatyda júrip bara jatqan avtobýs janyp kete jazdady
ALMATY. QazAqparat – Almatyda jolaýshylardy tasymaldap bara jatqan avtobýstan tútin shyqty, dep habarlaıdy QazAqparat.
Qara tútinimen jol júrip bara jatqan №19 baǵyttaǵy avtobýstyń vıdeosy Instagram jelisindegi pablıkterdiń birinde jarııalandy. Oqıǵa 27 tamyz kúni Jarokov kóshesinde bolǵan.
«Maı kenetten syrtqa qaraı atqylap, kólik tútindep jana bastady. Avtobýstyń órtke qarsy júıesi iske qosylyp, motor bólimindegi órt der kezinde sóndirildi. Mashına da, motor bólimi de zardap shekken joq. Qazirgi tańda zaýyt ókilderi maıdyń kenetten atqylaýyna ne sebep bolǵanyn egjeı-tegjeıli zerdelep jatyr», - dep málim etti «CityBus» JShS.
