Almatyda júrgizýshisi turaq aqysyn tólemeý úshin jalǵan tirkeý nómirimen júrgen

ALMATY. QazAqparat - Almatyda jol talǵamaıtyn kólik júrgizýshisi turaq aqysyn tólemeý úshin jalǵan memlekettik tirkeý nómirimen júrgen, dep habarlaıdy QazAqparat tilshisi.

Almaty qalalyq polıtsııa departamentiniń málimetinshe, patrýldik polıtseıler Mitsubishi Pajero kóligin Abylaı han men Qazybek bı kósheleriniń qıylysynda ustady.

«Kólikke ornatylǵan eki túrli memlekettik tirkeý nómiri tártip saqshylarynyń nazaryn aýdardy. Onyń ıesi birden anyqtaldy. Er adam ózin qorǵap alý maqsatynda turaq aqysyn tólemeý úshin jalǵan nómir ornatqanyn moıyndady. Bul áreketter zańǵa qaıshy keledi jáne ákimshilik jaýapkershilikti júkteıdi», - dep habarlady polıtsııadan.

Quqyq buzýshyǵa aıyppul salyndy. Sonymen qatar, kólik mamandandyrylǵan aıyppul turaǵyna qoıyldy.