Almatyda júrgizýshilerden aqsha bopsalaǵan «jalǵan polıtseı» bas bostandyǵynan aıryldy
ALMATY. QazAqparat Almatyda elden aqsha bopsalap kelgen «jalǵan polıtseıge» qatysty Jetisý aýdandyq №2 soty úkim shyǵardy. Bul týraly qalalyq sottyń baspasóz qyzmeti habarlady.
Sotta qaralǵan materıaldarǵa qarasaq, er adam óz áreketin júzege asyrý úshin jalǵan polıtsııa kýáligin jasatyp, arnaıy forma kıip júrgen. Ol Magnum saýda úıiniń qasynda bes kún boıy joldaǵy júrgizýshilerdi torýyldaǵan.
Sot protsesi barysynda ol óz kinásin tolyǵymen moıyndady.
Jetisý aýdandyq soty ony QR QK 385-babynyń 1-bólimimen (bılik ókiliniń laýazymyn paıdalaný), 390-babynyń 1-bólimimen (polıtseı kýáligin qoldan jasaý) aıypty dep tanyp 1 jylǵa bas bostandyǵyn shektedi.
