Almatyda júrgizýshiden esirtki men tapansha tabyldy
ALMATY. QazAqparat - Almatyda kólik júrgizýshisinen gaz tapanshasy men esirtki salynǵan 30 túıinshek tabyldy, dep habarlaıdy QazAqparat tilshisi.
Qalalyq ІІD-niń baspasóz qyzmetinen málim etkendeı, túngi kezekshilik kezinde «Býran-187» jol-patrýldik polıtsııasy Ýssýrııskaıa kóshesinde baıaý júrip bara jatqan Nıva kóligine nazar aýdarǵan.
«Qujattardy tekserý kezinde kólik júrgizýshisiniń tynyshy kete bastaǵan. Kóp uzamaı 24 jastaǵy er adamnan gaz tapanshasy tabyldy. Qarýdyń ruqsat qaǵazy joq bolyp shyqty. Inspektorlar kólikti teksere bastaǵanda, er adam shóptiń arasyna bir zatty laqtyryp jiberýge tyrysqan. Polıetılen oramanyń ishinde 30 túıinshek aq untaq bolǵan. Aldyn ala boljam boıynsha, ol zattar - sıntetıkalyq esirtki», - dedi Jetisý aýdandyq Іshki ister basqarmasynyń basshysy Darhan Musanov.
Qazir atalǵan derekke baılanysty QR QK-niń 287-baby 2-bóligi jáne QR QK-niń 296-baby 3-bóligi boıynsha is qozǵaldy.
Tárkilengen aq untaq arnaıy saraptamaǵa jiberildi.
