Almatyda júrgizýshi jas qyz 5 adamdy qaǵyp ketti
ALMATY. QazAqparat - Almatyda Subaru Tribeca kóligin júrgizip kele jatqan jas qyz 5 jaıaý júrginshini qaǵyp ketti, olardyń ekeýi bala, úsheýi eresek adam, dep habarlaıdy QazAqparat tilshisi oqıǵa ornynan.
Kýágerlerdiń aıtýynsha, Subaru Beregovoı kóshesimen ońtústik baǵytqa qaraı kele jatqan. Ol Jandosov kóshesine qaraı oń jaqqa burylǵan. Sol ýaqytta joldy kesip ótip bara jatqan úsh áıeldi, eki balany basyp ketken. Balalardyń jasy 4 pen 10 jas aralyǵynda. Jaıaý júrginshilerdi qaǵyp ketkennen keıin ol turaqta turǵan Honda CR-V kóligin baryp soqqan.
Jol apatynan kólik júrgizýshisi zardap shekken joq. Aýyr jaraqattanǵan eki áıeldi jedel járdem alyp ketti. 
