Almatyda júrgizýshi kýáliginde tıisti sanaty joq adamdar avtobýs júrgizip kelgen
ALMATY. QazAqparat - Almatyda «Qaýipsiz jol» aılyǵybarysynda jolaýshylar tasymalymen aınalysýǵa quqyǵy joq eki júrgizýshi ustaldy. Bul týraly Almaty qalasynyń ákimshilik polıtsııasynan málimdedi, dep habarlaıdy QazAqparat tilshisi.
Almaty qalalyq polıtsııa departamentiniń Ákimshilik polıtsııa basqarmasy bastyǵynyń orynbasary Dáýlet Seıitqulovtyń málimetinshe, quqyq buzýshylardy Túrksib jáne Jetisý aýdandyq Polıtsııa basqarmalary ákimshilik tájirıbe bólimsheleriniń qyzmetkerleri anyqtap, jolaýshylar tasymalynan shyǵardy.
«Qujattardy tekserý barysynda júrgizýshi kýálikterinde qoǵamdyq kólikti aıdaýǵa ruqsat beretin sanat bolmaǵan. Bul áreketter adamdardyń ómiri men densaýlyǵyna qaýip tóndiretin baqylaýsyzdyq, is júzinde nemquraılylyq tanytqan júrgizýshilerdiń de, avtokásiporyn basshylarynyń da kinási dep baǵalanady. Tártip buzýshylarǵa shara qoldanyldy», – dedi ol.
Sondaı-aq, ol «Qaýipsiz jol» aılyǵy aıasynda joldarda, jol qurylystaryndaǵy kemshilikterdi joıý týraly 55 uıǵarym shyǵarylǵanyn aıtty.
ıAǵnı, joldardyń qanaǵattanarlyqsyz jaı-kúıi úshin bes laýazymdy tulǵa QR ÁQBtK-niń 630-baby, 631-baby men 632-baby boıynsha ákimshilik jaýapkershilikke tartyldy.
Sondaı-aq, apattyq jaǵdaı aımaqtarynda 233 jol belgisi ornatylǵany habarlandy.
